کەشوهەوای چوار رووژ ئایندە

شەفەق نیوز/ دەزگای کەشوهەوا، ئمڕوو شەممە، مەزەنەی هەڵسان خوەڵوتوز و بەرزەوبوین پلەی گەرمی لەی  چوار رووژ ئایندە کرد. 

دەزگاگە لە بەیاننامیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو یەکشەممە لەناوچەی ناوڕاس ئەوەسا رووشن بوود وەگەرد چەن پارچە ئەوریگ، ولە ناوچەیل باکوور و باشوور پاک ورووشن بوود، وپلەی گەرمی لە ناوڕاس و باشوور کەمیگ بەرزترەو بوود، و پلەی گەرمی لە بەشەیل  باشوور ئەرا جویر رووژ وەرجەخوەی بوود. 

بەیاننامەگە وتیش: کەشوهەوای رووژ دووشەممە، لە گشت وڵاتەگە پاک و رووشنە، وپلەی گەرمی جویر خوەی مینێد.   

وتیش: کەشوهەوای رووژ سێشەممە هەمیش لە گشت وڵاتەگە پاک ورووشنە، وپلەی گەرمییش ئاڵشت نیەوود.  

ئەرا رووژ چوارشەممەی بانان،  هەمیش ئاسمان پاک و رووشنە، باوجی گەرمیەگە کەمیگ بەرزەو بوود.