کەشوهەوای عراق...واران و لافاو وای قایم وەردەوامە تا مانگ رەمەزان
2024-02-12T07:37:01+00:00
شەفەق نیوز/ کەشناس عراقی عەلی جابر زیادی، ئمڕوو دووشەممە. هووشداری دا لە لافاو و وای قایم وەگەردیا مەزەنەکرد داوەزینیگ واراناوی چەن رووژیگ روی لە عراق بکەێد.
زیادی وە ئاژانس شەفەق نیوز وت، " وڵاتەگە مەزەنەی داوەزین واراناوی وە چالاکی بەرزیگ کەێد، لە شەوەکی رووژ چوارشەممە دەسوەپی کەێد تا ماوەی دوو رووژ وەردەوام بوود،واران وە تونی جیاواز وارێد لە گشت پارێزگایەیل وڵاتەگە".
زیادی هووشداریدا، "هاتێ واران وارین رفتیگ لە شار کەرکوک و سلێمانی و باکوور تکریت و خوەرهەڵاتی هەس لە ئیوارەی رووژ پەنجشەممە کەمەوبوود، لە هەفتەی ئایندە دوارە گلەوخوەد، لە 18 تا 21 شوبات ئێ مانگە واران وارین هاوەگەردیا".
زیادی مەزەنەی وەردەوامبوین پالەپەستۆی نزم کەێد، کە وای تونیگ هاوەگەردیا، لەبان کویەیل وەفر کووەوبوود، تا مانگ رەمەزان ئایندە کە لە 11 ئازار 2024 دەسوەپیکەێد.
