کەشوهەوای عراق... وا و واران و ئەور پاییز لە هەفتەی ئایندە
شەفەق نیوز/ پسپۆڕ کەشناسی سادق عەتیە، ئمڕوو دووشەممە، پیشبینی لە وا واران وەرد دەرکەفتن ئەور پاییزی لەماوەی هەفتەی ئایندە کرد.
عەتیە لە پۆستیگی لەبان "فەیسبووک" ک ئاژانس شەفەق نیوز دیەسێ دیاریکردیە " لە ئمڕوو دووشەممەو وا و گورجی دەسوەپی کەێد لە نیمەی هەفتەی ئایندە جیگیرەو بوود"، ئاشکەرایکدلرد" گشت شارەیل لە ماوەی نیمەروو کەشوهەوای گەرمیگ وەخوەیان دوینن".
لەباوەت شارەیل باشوور و شار بەسرە، عەتیە پیشبینی کەێد،" چالاکیەیل وا روکەشی بوود و تاقمەجاریگ ئاڵشتەوبوود ئەرا باشوور خوەرهەڵات وەرد بەرزەوبوین رێژەی چام لە ئمڕوو تا شەوەکی چوارشەممە وە تایبەت لە وەختەیل شەو و شەوەکی، دویای ئەوە لە نیمەروو چوارشەممە وای باکوورخوەرئاوا گلەوخوەێد و رێژەی چام کەمەوکەێد هەڵئاوسانەیل سەر لە نوو لە شەو جومعە/شەممە دەسوەپی کەێد.
دیاریکرد، " لەماوەی ئی هەفتە پلەی گەرما نیەداوەزێد، پیشبینی کریەێد لە سەرەتای هەفتەی ئایندە لە شارەیل ناوراس و خوەرئاوا و باشوور وڵاتەگە داوەزین وەخوەی بوینێد، باوجی لە شارەیل باشوور و فورات ناوڕاس لە ناوڕاس یا کۆتایی هەفتەی ئایندە دەسوەپی کەێد.
وتیش، لە ماوەی رووژەیل بانان ئەور پاییزی لە کەشوهەوا دوینریەێد، باوجی دەرفەت واران وارین لە ماوەی ئی هەفتە نییە.. هاتێ دەرفەت وارانوارین سوکیگ لە کۆتایی هەفتەی ئایندە ئەنبار و نەینەوا بگردێەو و شایەت لە لە نیمەی هەفتە دەرفەتەگە درویژەو بوود ئەرا شارەیل دهۆک هەولێر و سلێمانی.
وتیش. وەرجە کۆتایی ئی مانگە لەێرا پسای کەشوهەوایگ واراناوی گشتگیریگ لەبان نمونەیل کەشوهەوا وینەکیشیایە، هالە ژیر چەودێری چوینکە ئەگەر ئاڵشتبوین هەس، و داوەزین وەرچەوەیگ لە پلەی گەرما دوینریەێد لە کۆتایی ئی مانگە.
