کەشوهەوای عراق لەی چوار رووژ بانانە.. واران و بەرزەوبوین پلەی گەرمی
2024-04-12T10:24:36+00:00
شەفەق نیوز/ دەسەی کەشناسی عراق، ئمڕوو جمعە، مەزەنەی کەشوھەوا وڵاتەگە ئەرا ئی رووژەیل بانانە بڵاو کرد، و باس واران و بەرزەوبوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا رووژ شەممە، لە گشت وڵاتەگە رووشنە وەگەرد لەکە ئەوریگ، و پلەی گەرمی کەمیگ بەرزەو بوود.
وتیش؛ رووژ یەکشەممە، وەگشتی رووشنە وەگەرد لەکە ئەوریگ، و پلەی گەرمی کەمیگ بەرزەو بوود.
دیاری کرد کە رووژ دووشەممە، وەگشتی نیمچە ئەورە تا ئەور تەواوە وەگەرد نمە وارانیگ، و پلەی گەرمی کەمیگ نزمەو بوود.
دەسەگە وتیش: کەشوهەوای وڵاتەگە ئەرا رووژ سێشەممەی ئایندە لە گشت ناوچەیل وڵاتەگە رووشنە، و پلەی گەرمی کەمیگ بەرزەو بوود.
