کەشوهەوای سویەریگ چەوەڕی عراقیەیل کەێد
شەفەق نیوز/ عەلی جابر زیادی شارەزای کەشناسی، ئمڕوو چوارشەممە، مەزەنە کرد وڵاتەگە بکەفێدە وەر بەرزەوبوین پلەی گەرمی لەماوەی رووژەیل بانان، هاتێ بەێدە قەی پەنجا پلەی سەدی.
وەگەرد هاتن مانگ حوزەیران، گەرمیەگە لە بڕیگ لە پارێزگایل عراق زیایەو بوی، باوجی بەغداد فرەتر لەجاران کەفتە وەر تاوسان سویەریگ، هەرچەن خوەڵوتوزەگە هووکار بوی لە داوەزین پلەی گەرمی لە مانگ نیسان و ئایار.
پلەی گەرمی لەی رووژەیلە رەسیە ٤٥ پلەی سەدی، ک پیشبینی وە تاوسان سویەریگ لەبان عراقیەیل لەماوەی مانگەیل بانان کەێد.
زیادی ئەرا ئاژانس شەفەق نیوز وت: کەشوهەوای رووژەیل ئایندە ئەوەسا بەرزەوبوین سرووشتی لە پلەی گەرمی وەخوسی دوینێد، باوجی لە ٥٠ پلەی سەدی رەد نیەکەێد.
وتیش: بەرزترین پلەی گەرمی لە رووژەیل ئایندە دەێدە قەی ٤٨ پلەی سەدی لە باشوور وڵاتەگە، و بەغداد وشارەیل ناوڕاس و فوڕات ناوڕاس رەسێدە ٤٦ سەدی، ولە بەشەیل باشوور و خوەرئاوا رەسێدە ٤٢ پلەی سەدی، و کەشوهەوا گەرمەگە کەفێدە مەوقەی نیمەڕوان وەگەرد ئاڵشتبوین واگە.
