کەشوهەوای ئی سێ رووژە لە عراق
شەفەق نیوز/ شارەزایگ کەشناسی، ئمڕوو شەممە، وەکوڵبڕ باس کەشوهەوای سێ رووژ ئایندە کرد لە عراق، وتیش: یە دویرە لە رخبردن و گەزاف.
سادق عەتیە لەبان ماڵپەڕی لە فەیسبووک نۊسان: دویر لە رخبردن وگەزاف لە بەشیگ لە ماڵپەڕەیلیگ ک لەبان کەشناسی دانریانە، مەزەنەی خوەڵوتوزەگە لە ناوچەیلیگ جیاجیا ئمڕوو شەممە و رووژ یەکشەممە، لە خاک سوریا وەرەو خاک عراق لەلای نەینەوا و باکوور ئەنبار شەو یەکشەممە تیەێد.
وتیش: شەفەق و شەوەکی رووژ دووشەممە، شەپۆلیگ خوەڵوتوز رەسێدە بەغدای پایتەخت، ولەساعەت ٦ شەوەکی تا ١٩ی شەوەکی رەسێدە بەرزترین ئاستی، وهەمیش رەسێدە سەڵاحەدین و نەینەوا و ئەنبار، ئیجا وەرەو ئەو ناوچەیل باکوور و فورات ناوڕاس و باشوور لە رووژ دووشەممە تەکان دەێد.
لە بەسرە، عەتیە وت: لووتکەگەی کەفێدە ناوبەین ساعەت ٣ی دویای نیمەڕو دووشەممە تا ساعەت ٦ ئیوارە، وتیش: خوەڵوتوزەگە گشت شارەیل گرێدەو، باوجی خەسیەگەی کەفێدە ناوڕاس و خوەرئاوای وڵاتەگە.
وتیش: خوەڵوتوزەگە تا شەوەکی رووژ سێشەممە وەردەوام بوود، و خەسیەگەی تەنیا رووژ دووشەممەس، و ئەرا رووژ سێشەممە هیمان تووزەگە مەنیە، وەگەرد بەرزەوبوین پلەی گەرمی ئەرا شەممە و یەکشەممە، ئمجا لە رووژ دووشەممە پلەی گەرمی داوەزێد.
لەبەغداد پایتەخت، عەتیە مەزەنە کرد ک رووژ دووشەممە پلەی گەرمی بڕەسێدە ٣٤ سەدی، ورووژ یەکشەممە بوودە ٤١ پلە، و تا دوو یا سێ رووژ داوەزینەگە وەردەوام بوود، وتیش لە شارەیل باشوور داوەزین گەرمیەگە کەفێدە رووژ سێشەممە.
عەتیە داوای دویاکەفتن لە رخبردن کرد، چوینکە ئی خوەڵوتوزەگە لەوەکە فرەتر نییە، باوجی هاتێ کەمتریش بوود، و هەمیش جەخت لە گرنگی دویرکەفتن لە گەشتکردن لە رووژەیل دووشەممە و سێشەممە کرد، و ئەوانەگ بیماری هەناسە دیرن مقەیەتی خوەیان بکەن.
