ئی جمعەیش خوەڵوتوز لە عراق وارێد

شەفەق نیوز/ دەسەی كەشناسی عراق ئاشكرا كرد؛ چەوەڕی کریەێد رووژ جمعەی بانان شەپۆڵیگتر  خوەڵوتوز عراق بگرێدەو. 

كەشناسی عراق لە بەیاننامیگ رەسیە ئاژانس شەفەق نیوز وت:  رووژ پەنجشەممە  كەشوهەوای ناوەڕاس و باشوور عراق ئاڵشت بوود، و شەوەکیەگەی ئاسمان پاک بوود، باوجی ئیوارەی خود رووژ بوودە خوەڵوتوز. 

وەپەی ئاشکراکردنەگە، ئەو شەپۆل خوەڵوارانە نیەڕەسێدە شار و ناوچەیل جیاجیای هەرێم كوردستان، باوجی دویریش نییە لە بەشیگ شوینەیل ئەور و نمەواران بوود. 

وە گورەی  دەسەی كەشناسی عراق، رووژ جمعە كەشوهەوای ناوەڕاس و باشوور عراق خوەڵوتوز بوود، هاووەختیش ئەوروتریشقە و گەردەلویلیش وەگەردی هەڵکەێد، و پلەی گەرمی  وەچەن پلەیگ داوەزێد.