تا شەوەکی دووشەممە لە عراق خوەڵوتوزە
شەفەق نیوز/ دەزگای کەشوهەوای عراق، ئمڕوو شەممە، مەزەنە کرد خوەڵوتوزەگە تا شەوەکی رووژ دووشەممەی ئایندە وەردەوام بوود.
سادق عەتیە شارەزای کەشناسی وت: خوەڵوتوزەگە لە ساعەتەیل ئایندە روی وەرەو شارەیل فورات ناوڕاس ئیجا باشووری کەێد، ئەراوە مقەیت لە گەشتکردن بوون.
لەلای خوەییش حسێن جەلیل قسەکەر وەزارەت گواستنەوە لە بەیاننامیگ وت: لە ساعەت یەک شەو ٨ ئایار تونی واگە لە شار عانە ٨ م/ چرکە بوی، و ئاست نووڕستن رەسیە ١٠٠ مەتر، و لە شار حەدیسە تونی واگە ٨م/ چرکە و ئاست نووڕستن ئاسۆیی رەسیە ١٠٠ مەتر، واتە یە گەردەلویلیگ خوەڵوتوزە.
و دیاری کرد ک لە چەودیریکردن، خوەڵوتوز وە ماوەی چەن ساعەتیگ رەسیە بەغداد، و ئەگەر تونی واگە لە ٨م/چرکە رەد کرد و ئاست نووڕستن ئاسۆیی لە ١٠٠٠ مەتر کەمتر بوی، وە گەردەلویلیگ خوەڵوتوز دریەێدە قەڵەم و کاروانەیل ئاسمانیی وسیەن.
