کەشوھەوای عراق.. تەم و واران لەی رووژەیل ئایندە
شەفەق نیوز/ دەسەی کەشناسی، ئمڕوو چوارشەممە، کەشوھەوای وڵاتەگە لەی رووژەیل ئایندە راگەیان، و مەزەنەی وارین لەی دوو رووژ ئایندە کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوھەوای وڵاتەگە ئەرا سوو پەنجشەممە، لەناوچەی ناوڕاس نیمچە ئەور بوود، و لە چەن شوینیگ تەم دروس بوود، و کەمکەم لە مەوقەی رووژەگە نیەمینێد، وەگەرد دەرفەت نمە وارانیگ لە بەشەیل خوەرئاوا، و کەشوھەوای ناوچەی باکوور نیمچە ئەور بوود، و تەم لە چەن شوینیگ دروس بوود، وەگەرد رووژەگە نیەمینێد، و لە ناوچەی باشوور، کەشوهەوا رووشنە وەگەرد کەمیگ ئەور، و پلەی گەرمی نزیک رووژەیل گوزەشتە بوود لە گشت وڵاتەگە.
وتیش: کەشوھەوای رووژ جمعە، لە ناوچەی ناوڕاس رووشن تا نیمچە ئەورە، و تەم لە چەن شوینیگ دروس بوود، وەگەرد رووژەگە نیەمینێد، وەگەرد دەرفەت نمە وارانیگ لە بەشەیل خوەرئاوای، و کەشوھەوای ناوچەیل باکوور و باشوور رووشن تا نیمچە ئەور بوود، و پلەی گەرمی لە گشت وڵاتەگە نزیک رووژەیل گوزەشتە بوود.
بەیاننامەگە وتیش: کەشوهەوای رووژ شەممە، لە ناوچەیل ناوڕاس و باشوور رووشن تا نیمچە ئەورە، و تەم لە چەن شوینیگ دروس بوود، وەگەرد رووژەگە نیەمینێد، و کەشوهەوای ناوچەی باکوور رووشن تا نیمچە ئەور بوود، و پلەی گەرمی لە گشت وڵاتەگە نزیک رووژەیل گوزەشتە بوود.
وتیش: کەشوهەوای وڵاتەگە لە رووژ یەکشەممە، رووشنە وەگەرد کەمیگ ئەور لە گشت ناوچەیل وڵاتەگە، و پلەی گەرمی نزیک رووژەیل گوزەشتە بوود. .
