کەشناسیگ: مەزەنە کریەێد مانگ ئایندە مانگیگ واراناوی بوود
شارەزای مژار کەشناسی، ئاراس جەبار، راگەیان، هەر جویر ئەوەگ لە گوزەشتە دیاری کردیمن لە مانگ ئازار و نیسان واران وارین خاسەو بوود و تێکرای رێژەی وارین ئەرا بان ئاسایی بەرزەو بوود ، هەر جور ئەوە دیمن ئمساڵ لەی مانگە واران خاسیگ وارێد وە بەراورد وە پارەکە.
ئاراس دیاریکرد، ئیرنگە قۆناغ نوویگ سوری ئینسۆ لە خوەرهەڵات و ناوڕاس زەریایی هێمن دەسوەپیکردیە و کۆتایی وە دیاردەی لانینا کۆتایی هاتیە ک هووکار وەهێزیگ بوی ئەرا ئەو هشکەساڵیە ک روی کردوێدە ناوچەگە ئیرنگە ئاڵشتبویە ئەرا نیوتڕاڵ واتە هاوسەنگ، و تا کۆتایی ئی وەرزە وەردەوامە سات وە ساتیش پلەی گەرمی خوەرهەڵات و ناوڕاس زەریاکە بەرزاو بوود و هاتێ لە تاوسان ئمساڵ دیاری ئێڵ نینۆ دەسوەپی بکەێد و کارگەری گ لەبان وەرز وارین 2023 و 2024 دیرێد وە زیادگیبوین ئاڵشتکاری پێچەوانەی سورلانینا دیرێد لەبان ناوچەگە.
وتیش: مانگ ئایندە وە تێکرا مەزەنە کریەد و چەودێری سەنتەرە کەشناسیەیل جەهان چەوەری کریەێد مانگیگ واراناوی بوود و لەتەواو ناوچەیل هەرێم و عراق ئاست وارین لەبان رێژەی ئاسایی تووماربکریەێد، تێکرای پلەی گەرما نزیک بوود لە ئاست ئاسایی ئە مانگە.
