کەشناسی عراق: واران و خوەڵوتووز لەی رووژەیلە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای ئمڕوو شەممە، لە ناوچەی ناوڕاس نیمچە ئەورە و لە بەشەیل خوەرئاوای ئەورە وەگەرد واران و گرمەهڕ، و لە ناوچەی باکوور و باشوور ئەورە، و پلەی گەرمی لە گشت وڵاتەگە چەن پلەیگ بەرزەو بوود.
وتیش: سوو یەکشەممە، لە ناوچەی ناوڕاس و باشوور نیمچە ئەورە، و لە ناوچەی باکوور رووشنە تا نیمچە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
دیاری کرد ک رووژ دووشەممە، لە گشت وڵاتەگە نیمچە ئەورە و جاروباریش ئەور تەواوە، و پلەی گەرمی کەمیگ لە رووژ وەرجە خوەی نزمترە.
وتیش؛ رووژ سێشەممە، لە گشت ناوچەیل وڵاتەگە رووشنە تا نیمچە ئەوریگ، و پلەی گەرمی لە بەشەیل ناوڕاس و باشوور کەمیگ بەرزەو بوود، و لە ناوچەی باکوور نزیک رووژ وەرجە خوەیە.
دەسەگە وتیش: کەشوهەوای رووژ چوارشەممەی ئایندە لە بەشیگ شوین نیمچە ئەورە وەگەرد دەرفەت واران و گرمەهڕ، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە ناوچەی باشوور کەمیگ بەرزەو بوود.
