نۆ شار عراق زیاتر لە 50 پلەی سەدی و چواریش لەناو گەرمترین ناوچەیل جەهان.. خشتە
وێستگەی پلاسەرڤیل لە ویلایەت کالیفۆرنیای ئەمریکا خشتەی 15 ناوچە و شار جەهانی بڵاو کرد کە لەماوەی 24 ساعەت گوزەشتە بەرزترین پلەی گەرمی لە جەهان توومار کرنە.
لە خشتەگە دەرکەفتیە کە ناوچەی "ئەلحوسێن بەسرە" لە عراق بەرزترین پلەی گەرمی لە جەهان توومار کردیە کە 52 پلەی سەدییە، لە دویای ئەویش ناوچەی "فڕۆکەخانەی ناودەوڵەتی بەسرە" لە عراق وە 51.7 پلەی سەدی تیەێد، لە پلەی سێیەمیش شار "عەمارە" لە عراق وە پلەی گەرمی 51 پلەی سەدی، ئیجا ناوچەی “عەلی غەربی” لە عراق پلەی چوارەم وەدەس هاورد وە 50.6 پلەی سەدی، هەرلیوا ناوچەی “فڕۆکەخانەی ناودەوڵەتی کوەیت” لە کوەیت هاتە پلەی پەنجەم وە 50.6 50.6 پلەی سەدی.
وەگورەی خشتەگە ، ناوچەی "ناسریه" له عراق کەفتە پلەی شەشەم وە 50.6 پلەی سیلیزی، ئیجا ناوچەی"سافی ئاباد دیزەفول" له ئیران و 50.4 پلەی سیلیزی، لەپشتی ناوچەی "عەبادان" لە ئیران کەفتە پلەی هشتەم وە 50.3 پلەی سەدی، ئیجا شار "عێن سەڵاح " لە جەزائیر لە پلەی نۆهەەم وە 50.2 پلەی سەدی، لەپشتی “رفاعی” لە عراق پلەی دەهەم وە 50 پلەی سەدی، لە دویای ئەویش ناوچەی “ئەدرار” لە جەزائیر هاتە پلەی 11وە 49.8 پلە، و ناوچەی "ئەلئەحسا" لە سعودیە کەفتە پلەی 13 وە پلەی گەرمی 49.7 پلەی سەدی، و ناوچەی "بەدرە" لە عراق، پلەی 14ی بویە بەشی وە 49.7 پلەی سەدی، و لەکۆتایی شار "کوت - حەی" لە عراق وە 49.6 پلەی سەدی".
ئاژانس شەفەق نیوز خشتەی بەرزترین پلەی گەرمی لە جەهان بڵاو کەێد:
