سەگەیل هار پەلامار ئاواییگ دەن و ٦ کەس زەخمدار کەن

شەفەق نیوز/ سەرچەوەیگ پزشکی عراقی، ئمڕوو شەممە، خەوەردا ک سەگەیل هاریگ پەلامار چەن ئاواییگ لە ناحیەی قەیارە باشوور پارێزگای نەینەوا دان، و چەن کەسیگ زەخمدار کردن دوو مناڵیش لەناویان بویە.  

سەرچەوەگە ئەرا ئاژانس شەفەق نیوز وت: ئەو سەگەیلە لەناو سێ ئاوای  لە ناحیەی قەیارە بوینە، و خەڵکەگە توەنستن یەکیگ لەو سەگەیل هارە بتووپنن.  

لەلای خوەیانیش، خەڵک ناحیەی قەیارە، زوور لە گرنگی دەسکردن وە هەڵمەتیگ ئەرا لەناوداین سەگەیل بیخاوەن و هار لە ناوچەو ئاوایەیلیان کردن.  

باوجی وەڕوبەر خەسخانەی بەیتەری ئەرا ئاژانسەگە وت: پارێزگاگە هۊچ پۊلیگ ئەرا ئی هەڵمەتە تەرخان نەکردیە، و یە زیاتر لە ساڵیگە وسیاگە، و چەوەڕی کەیمن پارێزگاگە بنووڕێدە ئی باوەتە، ک سەگەیل بوینەسە مەترسی لەبان مەردم، و شمارەیان رەسێدە هەزاران.