کەسەیلیگ نەناسریاگ دزی لە وەناوبانگترین حسئنیەی لە زیقار کەن
2022-02-16T15:38:23+00:00
شەفەق نیوز/ سەرچەوەیگ خۆجێی لە زیقار، ئمڕوو چوارشەممە، خەوەردا لە دزیکردن ئامێر دەنگی لە وەناوبانگترین حسێنیە لە ناوچەیل باکوور پارێزگاگە.
سەرچەوەگە ئەرا ئاژانس شەفەق نیوز وت: کەسەیلیگ نەناسریاگ ئامێر دەنگیگ لە حسێنیەی سەدیقه زەهرا تاهیرە لە قەزای شەترە باکوور پارێزگای زیقار دزینە، ک نرخەگەی رەسێدە ١٢٠٠ دۆلار.
و دیاری کرد ک گەیمەیل حسێنیەگە هەنای ئمڕوو ناو بینای حسێنیەگە گەردین، ئامێرەگە پەیا نەکردن، و دووپات کرد ک حسێنیەگە داشت ئامادەکاری ئەرا هاوردن وەناوباگترین خەتیبەیل منبەر حسێنی ئەرا ماوەی ئایندە کرد.
