خاوەن دوکانیگ لە زیقار دزی لە خوەی کەێد

شەفەق نیوز/ سەرچەوەیگ ئەمنی لە زیقار، ئمڕوو پەنجشەممە، خەوەردا لە ئاشکراکردن دزیکردنیگ درووکانی لە باکوور پارێزگاگە، ک زیاتر لە ٨٠ مەلیۆن دینار لەناوی دزیا.  

سەرچەوەگە ئەرا ئاژانس شەفەق نیوز وت: دەزگا ئەمنیەیلە لە قەزای شەترە، توەنستن ئاشکرای کاریگ دزیکردن درووکانی بکەن، ک  ٨٢ مەلیۆن دینار عراقی لەناو دوکانیگ دزیایە، و خاوەن دوکانەگەیش پای وە گولە زەخمدار بویە.  

وتیش: دویای لێکۆلینەوە، خاوەن دوکانەگە ک وە گولە زەخمدارە، ئاشکرا کرد ک خوەی دزی لە خوەی کردیە، وخوەییش وە گولە لەخوەی دایە، ئەوەیش چوینکە گرفتیگ کەفتیەسە ناوبەین خوەی و براگەی لەبان ئەو دوکانە.

سەرچەوەگە دیاری کرد ک دەزگا ئەمنیەیلە ریکارەیل یاسایی لەبان توومەتبارەگە جیوەجی کردن.