سێ زەخمدار وە دوو تەقینەوە لە کەرکوک
2022-08-11T08:35:42+00:00
شەفەق نیوز/ سەرچەوەیگ ئەمنی وەرپرس، ئمڕوو پەنجشەممە، خەوەردا لە زەخمداری سێ کەس وە دوو تەقینەوەی جیا لە پارێزگای کەرکوک.
سەرچەوەگە وە ئاژانس شەفەق نیوز وت، بومبیگ وە ماشین بارهەڵگریگ تەقیە لە نزیک ئاوای جەبغان سەر وە قەزای داقوق لەئەنجام رانندەگە زەخمداربوی.
لە رویداویگتر هەمان سەرچەوە راگەیان، کەسیگ نەناسریاگ وە بان ماتۆرسکیڵ بومبیگ دەسی خستیەسە ناو ماڵیگ لە ناوچەی حسابات ناوراس کەرکوک، ک دوو لە دانشتگەیل ماڵەگە تویش زەخمداری سوکیگ بوین.
