کەرکوک.. زەخمداری دوو ژن وە تەقیان بومبیگ و دەسگیرکردن توومەتباریگ وە رفانن مناڵەیل
2023-05-13T09:43:18+00:00
شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە زەخمداری دوو ژن لە ئەنجام تەقیان بومبیگ لەناو بووسانیگ لە ئاوای قەرە هەنجیر لە پارێزگای کەرکوک.
سەرچەوەگە ئەرا ئاژانس شەفەق نیوز وت: بومبیگ دەسی وەرجە نیمەڕو ئمڕوو تەقیە بان دوو ژن مەوقەی کارکردنیان لەناو بووسانیگ لە ئاواییگ لە ناحیەی قەرە هەنجیر.
سەرچەوەگە وتیش: دوو ژنەگە زەخمدار بوین و ئەرا خەسەخانە بریان.
هەرلیوا، وەڕیەوبەرایەتی هەواڵگری سەربازی لە وەزارەت وەرگیری، راگەیان؛ لە بنەمای زانیاری هەواڵگری و رەسین دادکردن لە خەڵک ناحیەی مولتەقا، کوڵەیگ توکمە لە ناوچەی ئاوای ئوبیتر رەسیە دەسگیرکردن توومەتباریگ مناڵەیل رفنێد و دەسدرویژکردن سێکسی وەبانیان کەێد، وتیش؛ توومەتبارەگە دریا دەس لایەنەیل پەیوەندیدار.
