سەدان کەس لە بەغداد لەبان کەمئاوی خوەینشاندان کەن… وینە
2023-07-18T09:46:17+00:00
شەفەق نیوز/ دەیان لە خەڵکەگە، لە مەیدان نسوور، ناوڕاس بەغداد پایتەخت، ئمڕوو سێشەممە، لەبان کەمئاوی و کەمی ئاست ئەو ئاوە لە دەوڵەتەیل سەرچەوە و ریکارەیل حکومەتی لەی باوەتە، خوەینشاندان کردن.
پەیامنێر ئاژانس شەفەق نیوز وت؛ نزیکەی ٣٠٠ کەس لە مەیدان نسوور، ناوڕاس بەغداد گردەو بوین، و تابلۆ هەڵگردن ئەرا ئیدانەکردن کەمئاوی لە چەم دیجلە و فورات و کەمی ئاوەگە لە دەوڵەتەیل سەرچەوە وە دیاریکریاگ لایەن تورکیا.
پەیامنێرمان وتیش؛ خوەینشاندەرەیل هەمیش ناڕەزایی لەبان ریکارەیل حکومەتی نشان دان ک توانای جویلەکردن وەی باوەت گرنگە نەیرێد، هەرچەن عراق (بودجەی تەقیاییگ) دیرێد، وەرانوەر چارەیلیگ ئەلەکی ئەرا ئی قەیرانە.
ناڕەزایل هەڕەشەی ناودەوڵەتیکردن باوەت ئاو و دابڕین لە کاڵای تورکیا لە عراق دان.
.
