سێ توومەتبار وە تیرۆر کەفنە دەس پۆلیس ئەنبار

شەفەق نیوز/ سەرچەوەیگ ئەمنی وەرپرس لە وەڕێۆبەرایەتی پۆلیس ئەنبار، ئمڕوو چوارشەممە، خەوەردا لە دەسگیرکردن سێ توومەتبار وە تیرۆر لە پارێزگاگە.

سەرچەوەگە ئەرا ئاژانس شەفەق نیوز وت: زانیاریەیلیگ هەواڵگری خەوەر لە یەکیگ لە داواکریایەل وە تیرۆر دان ک هالە ناو ماڵەگەی خوەی لە گەڕەک جبیل لە باکوور فەلوجە.

وتیش: تیرۆرستەگە لەلایەن فەوج فریاکەفتن سەروو وەڕێۆبەرایەتیەگە لە ئەنبار دەسگیر کریا،و دریا دەس لایەنە پەیوەندیدارەیل.. سەرچەوەگە وتیش؛ دویای وەخت کوڵیگ لەی دەسگیرکردنە، و لە رووشنایی زانیاریەیلیگ هەواڵگری، پۆلیس یەکیگ لە تیرۆرستەیل دەسگیر کرد، ئەوەیش دویای هاتنی ئەرا قەزای روتبە.

سەرچەوەگە وتیش؛ توومەتبارەگە دویای دەسگیرکردنی وە کوتپڕ ئاشکرا کرد ک خوەی هاتگە تا ئاموزای خوەی بخەێدە ناو ریخریاگ داعش، وتیش؛ هەمیش ئاموزاگەی دەسگیر کریا.