لە دوو پارێزگا.. دەسگیرکردن دوو تیرۆرست و بازرگانیگ مادەی هووشبەر
2024-03-11T14:06:09+00:00
شەفەق نیوز/ شانەی راگەیانن ئەمنی، ئمڕوو دووشەممە، دەسگیرکردن دوو تیرۆرست راگەیان یەکیگیان ناوەنگێر پویلی بویە لەناوەین سەرکردەیل رێکخریاگەگە لە کەرکوک، هەمیش بازرگانیگ مادەی هووشبەر لە زیقار دەسگیرکریا.
شانەی راگەیانن لە بەیاننامەیگ رەسیە ئاژانس شەفەق نیوز راگەیان، "هێزەیل دەزگای دژە تیرۆر یەکیگ لە تیرۆرستەیل چەتەیل داعش تیرۆرستی دەسگیرکرد و کە جویر ناوەندگێریگ لەناوەین سەرکردەیل داعش لە پارێزگای کەرکوک کارکردیە".
وتیش" لە ئۆپراسیۆن ترەک و وەهەماهەنگی وەگەرد وەڕێوەبەرایەتی ئۆپراسیۆنەگە دەزگای ئاسایش سلێمانی تیرۆست ترەک لە کەرکوک دەسگیرکردن".
دیاریکرد، "لە چوارچمگ تەقەلایەیل دژە مادەیل هووشبەر دەزگای دژە تیرۆر توەنستنە بازرگانیگ مادەی هووشبەر لە پارێزگای زیقار دەسگیربکەن".
وتیش، " شانەگە 14 حەشارگەی چەتەیل داعش ویرانکردنە و تەقاننە، و شمارەیگ لە گولە هاوەن و تەقەمەنی و تەقەمەنی دروسکریاگ ناوخوەیی لەناوبریانە لە پارێزگایەیل دیالە و کەرکوک".
