پزیشكه‌یلیگ لە خەسەخانەیگ لە بەغداد مل پیاویگ دویرننەو گ سەر خوەی بڕیە
شەفەق نیوز/ وەڕێۆبەرایەتی خەسەخانەیگ حکومەتی لە بەغداد، ئمڕوو یەکشەممە، راگەیان رزگارکردن پیاویگ چەقو داسە سینەی خوەی و مل خوەی وەچەقو بڕیە.
عەلی موحیی شەمەری وەڕێوبەر خەسەخانەی ئیبن نەفیس ئەرا ئاژانس شەفەق نیوز وت: تیم نەشتەرگەریمان توێنست پیاویگ پەنجا ساڵان رزگار بکەن ک زیان لە بیماری دەروونی وەخوەی دوینێد، چەقو داسە سینەی خوەی و مل خوەی بڕیە.
شەمەری وتیش: پیاوەگە وەشیوەیگ زوینە وکوتپڕ بریا هۆڵ نەشتەرگەری، چوونکە خوین فرەیگی چیاد و لە هووش چگە، و نەشتەرگەری فرە مەترسیداریگ ئەرای کریا، و دەسخوەشی لە تیمە پزشکیەگە کرد ک پیاوەگە لە مردن رزگار کردن.
لەلای خوەییش، دکتۆر کەرار سەبیح وەرپرس تیمە پزشکیەگە وت؛ نەشتەرگەریە فریاکەفتنەگە ک دوو ساعەت وەپی چگ، خاسەوکردن دەمارەیل مل و قوڕگ و دویرانن بۆریە هەوایبەگە وەگەرد قوڕگی بوی.
و ئاماژە کرد ک رێژەی مەترسی رەوش بیمارەگە ٩٠٪ بوی، چوونکە چەقوەگە رەسوێدە شوونەیل ناسکیگ و فرە مەترسیداریگ.
