زەخمدارەیلیگ لە جیاکردن زوورانەی خۆپیشاندانیگ لە بەغداد
2021-03-01T14:15:16+00:00
شەفەق نیوز/ ژمارەیک لە خۆپیشاندەرەکان لە مەوقەی جیاگردن گردەوبوینیگ لە پشتگیریکردن خۆپیشاندەرەکان ناسریە، ئمڕوو دووشەممە، زەخمدار بوین.
پەیامنێر ئاژانس شەفەق نیوز وت: خۆپیشاندەرەکان خوازین لە مەیدان تەحریر گردەو بوون، بەڵکم هێزەیل دژە ئاژاوە لە کویچەیل ئەو ناوە کەفتنە شوونیان، و وە کوتەک و بومب دەنگی جیایان کردن، ک بویە هووکار زەخمداربوین لەناونی خۆپیشاندەرەکان.
