پەروەردە هچان تاوسانەی مامووستایەیل دیاریکرد
2023-06-12T08:29:51+00:00
شەفەق نیوز/ وەزارەت پەروەردەی فیدراڵی، هەژدەی حوزەیران دیاریکرد ئەرا دەسکردن وە هچان تاوسانەی دەسەی پەروەردەیی و فێرکاری لە پارێزگایەیل وڵاتەگە و هەرێم کوردستان.
لە فەرمان وەزارەتەگە ک ئاژانس شەفەق نیوز دیەسێ هاتیە، لە دویای وەرگردن رەزامەنی وەزیر پەروەردە، وەڕیەوبەرایەتی گشتی فێرکاری گشتی و ئەهلی و بیانی دیاری مەوقەی هچان تاوسانەی دەسەی پەروەردەیی وفێرکاری کرد ک کەێدە رووژ یەکشەممە بڕوار هەژدەی حوزەیران، هەمیش کارکردن لە میلاکەیل پەروەردەیی ک هانەبان چەودێریکردن تاقیکردنەوەیل وەردەوامە لە تاقیکردنەوەیل گشتی وانەی دویاناوەندی و بنکەیل وشکین، و تاقیکردنەوەیل پۆلە ناکۆتایەیل وەگەرد نزیکەوبوین جەژن قوربان پیرووز کۆتایی تێد.
