گەرمی لە عراق دەسکەێدە داوەزیان
2023-03-25T08:39:34+00:00
شەفەق نیوز/ پسپۆڕ کەشناسی عەلی جایر زیادی، ئمڕوو شەممە، مەزەنە کرد پلەی گەرمی وە شیوەی وەرچەویگ لە ناوڕاس ئی هەفتە دەس وە داوەزیان بکەێد، چوینکە کەشوهەوا کەفێدە کاریگەری پارچەی سەردیگ.
زیادی ئەرا ئاژانس شەفەق نیوز وت: وڵاتەگە لە نیمەڕو ئمڕوو کەفێدە وەر بارستەیگ واراناوی وەگەرد شەپوول تەڕیگ ک لە ئەنجام ئەوە لە دویای نیمەڕو ئمڕوو لە باکوور و خەەرئاوای وڵاتەگە دەس کەێدە واران سووکیگ، ئەرا شەو قویلەو بوود، و شەفەق رزوژ یەکشەممە، ئەور پەڵە دەێد، و فرەجار بوودە واران و تریشقە، و شایەت لە بەشیگ لە ناوچەیل وارانەگە رفت بوود، وەتایبەت لە بەشەیل باکوور و بەشەیل خوەرھەڵات.
وتیش: وارانەگە تا ئیوارەی رووژ دووشەممە، وەشیوەیگ تاوتاو وەردەوامە، و هاتێ واگە وەرەو باشوور خوەرھەڵات گورج بوود، و تەپوتووز ئەرا سوو یەکشەممە هەڵسنێد، وەتایبەت لە بەشەیل خوەرھەڵات لە واست، وتیش: لە سێشەممە، پلەی گەرمی کەمکەم دەسکەێدە داوەزیان.
