گرمی تەمووز هیلێد بەغدادیەیل لەناو جادە سناو بکەن.. وینە
کامیرای ئاژانس شەفەق نیوز ک گەردیە چەن ناوچەیگ لە بەغداد پایتەخت، نووڕیە ئەوە کارە ک ئی گەرمیە وەسەر مەردم هاوردیە، چ لەناو جادە یا لە شوینەیل بازرگانی ک هامشوو فرەیگ ها ناویان.
بەرزەوبوین پلەی گەرمی وەگەرد گەردین بڕیگ لە ئاو فرووشەیل لەناو جادەیل و لەناوەین ماشینەیل لە قەرەباڵغ جادەیل زیای کرد، وەگەرد دەنگ بەرزیان لە چڕین و هاواریان (ئاو سەرد وە روبعیگ)، واتە یەک بوتڵ ئاو سەرد وە ٢٥٠ دینار، وەگەرد ئەوەیش مەردم ناچار بوون سەر و دەسەیلیان وەو ئاوە بشوورن، تا کەمیگ لەی گەرمی بەرزە، لە رووژ سویەر تەمووز خوەیان هوونکەو بکەن، لە وەختیگ ماشینەیلیش لە ژیر ئی خوەر سویەرە گەرم کردن، ک بەشیگ لە رانندەیل ناچار بوین ماشینەیلیان بخەنە کەنار و داوای دەسمیەتی بکەن ئەرا سەردەوکردن خوەیان و ماشینیان.
کامیرایل ئاژانسەگە، هەمیش نووڕستنە پیاوەیل هاتوچو ک وەی گەرمە ئەرک خوەیان لەناو جادەیل جیوەجی کەن، و هەمیشە هانە فتراق رێخکستن جموجویل جادەگە.
