رزگارکردن ژنیگ لە هەڕەشەی بڵاوکردن وێنەکانی لەلایەن هاوسەرەگەی لە بەغداد
شەفەق نیوز/ پۆلیس کۆمەڵایەتی، ئمڕوو جمعە، ژنيگ لە چزدان هاوسەرەگەی لە بەغداد پایتەخت رزگار کرد.
فەرمانگەی پەیوەندیەکان لە وەزارت ناوخۆ، لە بەیاننامەیگ رەسیە ئاژانس شەفەق نیوز وت: دویای پەنابردن ژنیک وە بەش باوەتەیل ژنەکان سەروە بەش پۆلیس کۆمەڵایەتی، و داوای رزگارکردن خوەی و مناڵەیلی لە توندوتیژیە سەختەکان و چزداین هەمیشەیی لەلایەن هاوسەرەگەی کرد ک هەڕەشەی بڵاوکردن وێنەکانی دا ک وەرجە هاوسەرگیرییان کەفتە دەسی ، لەبان ماڵپەڕەیل پەیوەندیە کۆمەڵایەتیەکان.
وتیش؛ ئی کارە هیشت پۆلیس کۆمەڵایەتی داوای هاتن پیاوەگە ئەرا بارەگاگەی بکەێد، و بەڵگەیل چزداین و توندوتیژیەکان بخەنە نوای، و داوا لەلی کرد چەودیری خیزانەگەی بکەێد و وەخاسی وەگەردیان رەفتار بکەێد، دویای سڕین وێنەکان لەلایەن پۆلیس کۆمەڵایەتی، و بردن پەیماننامەیگ نووسیاگ لەلی وە دووارە توندوتیژی نەکردن وەگەرد خیزانەگەی، وەنە خوەی خەێدە وەر سزای یاسایی.
