گردن دوو کەس هەڕەشەی دوو دوێەت لە کەربەلا دانە وە بڵاوکردن وێنەیلیان لە ماڵپەڕەیل پەیوەندیە کۆمەڵایەتیەکان
شەفەق نیوز/ پۆلیس پارێزگای کەربەلا، ئمڕوو یەکشەممە، راگەیان رزگارکرن دوو دوێەت لە چزداین ئەلیکترۆنی و گردن دوو کەس هەڕەشیەیان دانە وە بڵاوکردن وێنەیلیان.
لە بەیاننامەیگ رەسیە ئاژانس شەفەق نیوز وت؛ مەفرەزەیل پۆلیس کۆمەڵایەتی سەروە فەرمانگەی پەیوەندیەگان و راگەیانن لە وەزارت ناوخۆ، توێنستن دوو دوێەت لە چزداین ئەلیکترۆنی رزگار بکەن، و ئاماژە کرد وە بردن ریکارە یاساییەگان دژوە چزدەرەگان.
وتیش؛ لە رەسین دوو داواکاری جیاجیا ئەرا پۆلیس کۆمەڵایەتی لەری هێڵ سویەر پەتیی «٤٩٧» دەربارەی دوو دوێەت کەفتنەسە وەر چزداین ئەلیکترۆنی لە لایەن دوو کەس هەڕەشەی بڵاوکردن وێنەیلیان لەبان ماڵپەڕەیل پەیوەندیە کۆمەڵایەتیەگان کردنە، وەرانوەر پویل فرەیگ.
ودیاریکرد ک دویای تەقەلایل فرەیگ لە مینەکردن، مەفرەزەیل پۆلیس کۆمەڵایەتی لە کەربەلا توێنستن بڕەسنە تاوانبارەگان، ک ئاشکرای تاوانەگەی خوەیان کردن، و ناچار کریان لە سڕین وێنەگان، وهەمیش ریکارە یاساییەگان وەدژیان بریان.
