ئەرا چوارەم رووژ...بەرزەوبۊن نرخ دۆلار لە بەغداد و هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو سێشەممە، لە بۆرسەی سەرەکی بەغداد پایتەخت و هەرێم کوردستان  بەرزەوبۊ.      

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 147650 دینار عراقی وەرانوەر 100 دۆلار ئەمریکی. 

دۊکە دوشەممە، نرخ دۆلار رەسیە 147300 دینار عراقی وەرانوەر 100 دۆلار ئەمریکی.     

پەیامنێرمان وتیش؛ نرخ فرووشتن و سەنین لە دوکانەیل بەغداد بەرزەوبۊ، ک نرخ فرووشتن رەسیە 148000 دینار عراقی وەرانوەر 100 دۆلار ئەمریکی، و نرخ سەنینی رەسیە 147000 دینار.                  

لەهەولێر پایتەخت  هەرێم کوردستانیش نرخ دۆلار بەرزەوبۊن وەخوەیدی، ک نرخ فروشتن رەسیە 147700 عراقی وەراوەر 100 دۆڵار ئەمریکی، و نرخ سەنینی 147500 عراقی وەرانوەر 100 دۆلار ئەمریکی.