ئەرا ١٠٠ هەزار دینار.. کەسیگ لە کەربەلا گەنجیگ کوشێد

ئەرا ١٠٠ هەزار دینار.. کەسیگ لە کەربەلا گەنجیگ کوشێد
2021-02-13T06:57:06+00:00

شەفەق نیوز/ فەرماندەی پۆلیس کەربلا، توومەتباریگ دەسگیر کرد گەنجیگ ئەرا ١٠٠ هەزار دینار کوشتگە.

ئاژانس وەزارەت ناوخۆ ئەرا باوەتەیل پۆلیس ئمڕوو شەممە، لە بەیاننامەیگ وت: وەڕێۆبەرایەتیەگە لە تەرم گەنج بیس ساڵانیگ ئاگادار بوی خریاسە ناو چەم هیندیە، وەکوتپڕ تیمیگ ئەرا ئاشکراکردن ووردەکاریەیل رووداوەگە وەزویتربن وەخت دروس کرد.

وتیش؛ دویای تەقەلایل جیوازیگ وکار فرەیگ لە مینەکردن و گردەوکردن زانیاریەگان، تیمەگە رەسیە بکوشەگە و هەنای بڵگەگان خریا وەرچەوی ئاشکرای تاوانەگەی وە کوشتن قوربانیەگە کرد، ئەوەیش لەوەر ١٠٠ هەزار دینار قەرز لەلای قوربانیەگە بویە.

ئاژانسەگە وتیش؛ توومەتبارەگە لە وەکارهاورەیل مادە هووشبەرەگانە، و ریکارە یاساییەگانی تەواو کریان و هەواڵی دادوەری کریا.

Shafaq Live
Shafaq Live