ئەرا سێیەم مانگ... عراق هالە ئاست سێیەم لە لیست فرەترین بسینەیل مولک لە تورکیا

شەفەق نیوز/ دەسەی ئامار تورکیا، ئمروو سێشەممە، راگەیان عراقیەیل سێ مانگە وەبان یەک ها لە پلەی سێەم  لە سەنین ماڵ لە دویای روسیا لە تورکیا لە ماوەی مانگ حوزەیران گوزەشتە. 

لە راپۆرتیگ دەزگاگە ک ئاژانس شەفەق نیوز ئەڵگەریان ئەرای کردیە ئۊشێد؛ " فروشتن ماڵ لە تورکیا ئەرا بیانیەێلەوە رێژەی 81.8٪ بەرزەو بویە لە مانگ ئایار گوزەشتە  وە بەراورد هەمان مانگ لە پارساڵ ک رەسیە 8 هەزار و 630 ماڵ، ئەستەنبوول فرەترین بەش بەریکەفتیە لە فروشتن ماڵ وە بیانیەگان رەسیە سێ هەزار 906 ماڵ، ئانتالیا لە دوییەم پلە تیەێد وە و534 ماڵ ، و لە دویایی مرسین وە 428 ماڵ. 

وتیش؛ " تورکیا لە ماوەی شەش مانگ یەکەم ئمساڵ  35 هەزار و 383 ماڵ وە بیانیەیل فروشتیە، و رێژەی  بەرزەوبوی رەسیە 72.7٪. 

دیاری کرد، رووسیەیل هانە بان گشت وڵاتەێلە لە سەنین ماڵ لە تورکیا لە ماوەی مانگ حوزەیران وەهەزار و 887 ماڵ، ئیران وە پلەی دوییەم تیەێد 987 ماڵ سەننە، و عراق وە پلەی سێیەم تیەێد وە 807 ، چینیەگان چوارەم وە 377 ماڵ و ئەڵمانیا پەنجەم وە 329 ماڵ.  عراقیەیل لە ساڵ 2015لە لوتکەی  لیست ماڵ سەنین بوین  لە تورکیا، باوجی لە ساڵ2021 لە دویای ئیران وە پلەی دویەم داوەزیا، لە مانگ نیسان گوزەشتە ئەرا پلەی سێیەم داوەزیا لە دویا ئەوەگ رووسیا زاڵەو بوی لەبان ماڵو موڵک تورکیا.