لە ماوەی مانگیگ عراق ئەرا پلەی هەفتەم داوەزێد لە سەنن ماڵ و موڵک لە تورکیا

دەسەگە لە راپۆرتیگ ئاژانس شەفەق نیوز ئسفایکردیە هاتیە، "فرووشتن ماڵە وە رێژەی 61.1% داوەزین وەخوەی دیە لە تەشرین دویەم وە بەراورد وە هەمان مانگ لە پارەکە ئیرنگە 2342 ماڵە، ئەنتالیا ها لە پلەی یەکەم وە  790 ماڵ ، ئیجا ئستەنبوول وە 710 ماڵ، مرسین وە پلەی سێیەم تێد وە 316 ماڵ.

دەسەگەدوو پاتکرد "روسیەگنلە لویتکەی وڵاتەیل مەننە لە فرەترین سەنسن ماڵوموڵک لە تورکیا لەماوەی مانگ تەشرین دویەم وە 737ماڵ، ئیرانیەیل وە پلەی دویەم تێن وە 234، ماڵ، و ئۆکرانیا وە پلەی سێیەم تێن وە 128 ماڵ، و کازاخستان وە پلەی چوارەم تێد وە 117 ماڵ و سعودیە وە پلەی پەنجەم وە 110 ماڵ".

ئەڵمانیا ها لە پلەی شەشەم وە 106 ماڵ و لەدویاش عراق تێد وە پلەی هەفتەم وە 90 ماڵ.

لە ساڵ 2015 تا ئیسە عراقیەیل لە لیست ماڵ  بسینەیل وڵاتە جەهانیەیل بوینە،  وەگەرد سەرەتای  2021 ئەرا پلەی دویەم داوەزیان لە دویای ئیرانیەیل، دویایش لە مانگ نیسان 2022 رەسینە پلەی سێیەم  دویای زاڵبوین رووسیا وەبان ماڵوموڵک لە تورکیا.