ئەرا دوویەم رووژ لەشوون یەک.. داوەزین نرخ دۆلار لە بەغداد و کوردستان
2021-02-23T07:53:44+00:00
شەفەق نیوز/ ئمڕوو سێشەممە، ٢٣ شوبات ٢٠٢١ ، نرخ دۆلار لە بۆڕسەی سەرەکی لە بەغداد و هەرێم کوردستان داوەزیا.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٥٧٠٠ دینار عراقی وەرانوەر ١٠٠ دۆلار ئەمریکی تۆمار کرد، و بۆرسەی حارسیە ١٤٥٧٥٠ دینار عراقی وەرانوەر ١٠٠ دۆلار ئەمریکی تۆمار کرد.
دوێەکە دووشەممە بۆرسەی کیفاح ناوەندی لە بەغداد ١٤٥٩٥٠ دینار عراقی تۆمار کرد.
پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەگان لە بەغداد داوەزیا ک نرخ فرووشتن رەسیە ١٤٦٢٥٠ دینار عراقی، ونرخ سەنین رەسیە ١٤٥٢٥٠ دینار وەرانوەر ١٠٠ دۆلار ئەمریکی.
لە هەولێر پایتەخت هەرێم کوردستان نرخ دۆلار هەمیش داوەزین وەخوەی دی ک نرخ فرووشتن رەسیە ١٤٦٠٠٠ دینار وەرانوەر ١٠٠ دۆلار، و سەنین بویە ١٤٦٧٠٠ دینار وەرانوەر ١٠٠ دۆلار ئەمریکی.
