رۊداویگ هاتوچو کۆتایی وە ژیان دوو گەنج لەبەغداد تیارێد ...وینە و ڤیدیۆ
2022-04-24T12:56:34+00:00
شەفەق نیو/ سەرچەوەیگ ئەمنی، ئمڕوو یەکشەممە، خەوەردا لە مردن دوو گەنج وە مدووی رۊداو هاتوچو لە یەکیگ لە ریەیل خێرا لە بەغدای پایتەخت.
سەرچەوەگە وە ئاژانس شەفەق نیوز وت، رۊداو هاتوچوەگە ئمڕوو شەوەکی رۊدایە لە بان ری خێرای شوعڵە لە بەغدا لە مابەین دوو ماشین لە جۊر دۆج چارچر و ماشین بارهەڵگریگ لە جۊر مارسیدس، لە ئەنجام مردن دوو گەنج لەلی کەفتەو لە ماشین چارچرەگە.
سەرچەوەگە ئاشکەرا کرد، " رانندەی بارهەڵگرەگە ئەرا شۊن نادیاریگ هەڕاکردیە"، دیاریکرد، " تێم فریادڕەس رەسینە شۊن رۊداوەگە تەرم قوربانیەیل هەڵگردن".
