دوياي مردن داڵگی.. گەنجیگ لە زیقار ئامێریگ پزشکی بایی ٣٠ هەزار دۆلار شکنێد
2021-07-25T13:41:38+00:00
شەفەق نیوز/ سەرچەوەیگ پزشکی لە فەرمانگەی تەندروسی زیقار، ئمڕوو یەکشەممە، خەوەردا ک گەنجیگ ئامێریگ پزشکی بایی دەیان مەلیۆن دینار شکان لەوەر مردن داڵگی لەناو خەسەخانەگە.
سەرچەوەگە ئەرا ئاژانس شەفەق نیوز وت: گەنجیگ خەڵک پارێزگاگە ئامێریگ لەناو خەسەخانەی تورکی لە ناوڕاس شار ناسریە بایی ٣٠ هەزار دۆلار شکان، دویای خەوەر مردن داڵگی وەرگرد.
و دیاری کرد ک هێزیگ ئەمنی گەنجەگە دەسگیر کرد، و تەندروسی پارێزگاگە سکاڵایگ لەبانی تۆمار کرد.
سەرچەوەگە وتیش؛ کەسوکارەیل گەنجەگە رەسینە خەسەخانەگە و داوای کتاویگ لە فەرمانگەی تەندروسی کردن کردن تا ئامێر نوویگ هاوردەی بکەن و گشت خەرجەگەی هەڵگرن، وەرانوەر وازهاوردن فەرمانگەگە لە سکاڵاگەی لەبان کوڕەگەیان.
