دوو مرافەی نوو لە بەغداد رەسنە کوشیان و زەخمداری
شەفەق نیوز/ سەرچەوەیگ ئەمنی لە بەغدا، ئمڕوو دووشەممە، خەوەردا لە کوشیان چوار کەس و زەخمداری کەسەیلیگ و دەسگیرکردن دوو کەس دویای دوو مرافەی جیاجیا.
سەرچەوەگە ئەرا ئاژانس شەفەق نیوز وت: مرافەیگ دارایی کەفتە ناوبەین دوو خیزان کەسوکار ک هێشت پەنج برا وەکووڵ ماتوورسکڵ (توک توک) پەلامار سێ برا لە کەسوکاریان لە ناوچەی بەیاع وە چەک بیەن.
دیاری کرد ک مرافە رەسیە کوشیان سێ کەس و زەخمداری ریواریگ مەوقەی تەقەکردنەگە.
سەرچەوەگە وتیش: هیزیگ ئەمنی رەسیە شوین رویداوەگە و تەرمە قوربانیەیل ئەرا پزشک دادوەری کلکرد، و لێکۆڵینەوە لە رویداوەگە واز کرد.
هەرلیوا، سەرچەوەگە وتیش: مرافەیگ ناوبەین چەن کەسیگ لە ناوچەی دۆرە رەسیە وەکارهاوردن چەک سووک، و بویە هووکار کوشیان کەسیگ و زەخمداری کەسیگتر.
دیاری کرد ک پۆلیس رەسیە شوین رویداوەگە و تەرمەگە ئەرا پزشک دادوەری برد، وزەخمدارەگە ئەرا خەسخانە، و دووان لە لایەنەیل مرافەگە دەسگیر کرد.
