دوو رویداو خوەیکوشتن لە بەغداد و دیالە.. مردن دویەتیگ و رزگارکردن ئەوەکەی ترەک
2024-08-21T11:25:49+00:00
شەفەق نیوز/ دوو سەرچەوەی ئەمنی، ئمڕوو چوارشەممە، خەوەردان لە دوو رویداو جیاجیا پەیوەندی وە تەقەلای خوەیکوشتن دیرن لە بەغداد و دیالە، کە یەمەکەگە رەسیە مردن دویەتیگ، و لە دویەمەگە ژنیگ رزگار کریا.
لە بەغداد، سەرچەوەیگ ئەمنی ئەرا ئاژانس شەفەق نیوز وت: ژنیگ لەداڵگبوی ساڵ 1988 تەقەلا دا لەناو ماڵەگەی خوەی لە ناوچەی بەلەدیات خوەی بکوشێد، وەگورەی زانیارییەیل، بڕیگ دەرمان خواردیە.
وەگورەی قسەی سەرچەوەگە ناکۆکی خیزانی لەپشت ئی تەقەلای خوەیکوشتنە بویە، و ئەرا خەسەخانە بریا.
لە دیالە، سەرچەوەیگ ئەمنی ئەرا ئاژانس شەفەق نیوز وت: دویەتیگ لەداڵگبوی ساڵ 2004 ، لە قەزای مەنسووریە، ژەهر مویش خواردیە و خوەی کوشتیە، ئەوەیش لەوەر گرفتەیان خیزانی.
