نزیکە دەرمان لەناو خەسەخانەیل سلێمانی نەمینێد.. وینە
شەفەق نیوز/ خەسەخانەی "شار" لە پارێزگای سلێمانی، ئمڕوو پەنجشەممە، هوشداری لە تەواوبۊن دەرمانەیل لەناو خەسەخانەیل پارێزگاگە وەماوەی دوو هەفتەی ئایندە دا، لەوەر وسیان رەسین دەرمان لەلایەن ئەو کۆمپانیا ک خاوەن گریەبەسیە.
وەڕێەوبەر خەسخانەی "شار" دکتۆر ئۆمێد عەلی وە ئاژانس شەفەق نیوز وت؛ " بڕ دەرمان لە ئەماریل و دەرمانخانەی خەسخانەیلە وەرەو کەمی چوود لەوەر وسیان کلکردن دەرمان وە لایەن کۆمپانیای بەڵێندەر لە دابینکردن دەرمان ئەرا خەسخانەیل سلێمانی"، هوکار وساننەگەی چوودەو ئەرا " نەداین ئەو بڕە پۊلە لەو ماوە ک لەبانی رێککەفتنە".
وتیش، نەڕەسین دەرمان کاریگەری خەراویگ لەبان جۊر خزمەتگوزاریەیل دروس کەێد ک پیشکەش هاوڵاتیەیل کرێد.
وتیش بڕ دەرمان ئەمارکریای بەش دوو هەفتە نێکەێد دۊای ئەوەگ توانای دابەشکردن دەرمانمان نییە ئەرا هاوڵاتیەیل، دووپاتکرد چارەسەرنەکردن ئی گێچەڵە هەرەشەی رخبەریگ کەێد لەبان ژیان هاوڵاتیەیل، و سلێمانییش ها لەوەر فرەوبۊن بیماریەیل کلکریاگ.
