دوو پاریزگای نوو لە عراق رەسنە کاروان پەکخستن دەوام لەوەر گەرمی
شەفەق نیوز/ حکومەت پارێزگای بابل، ئمڕوو چوارشەممە، بڕیار دا دەوام فەرمی بیجگە رووژ پەنجشەممە پەک بخەێد، ئەوەیش لەوەر بەرزەوبوین پلەی گەرمی.
حکومەت پارێزگاگە، لە بەیاننامیگ ئمڕوو چوارشەممە، فەرمانبەرەیل دیوان پارێزگای بابل وفەرمانگەیل تەندروسی و خزمەتگوزاری و ئەمنی لەی پشووە دەرکرد.
هەرلیوا، موسەنا تمیمی پارێزگار دیالە، فەرمان پەکخستن دەوام فەرمی ئەرا سوو پەنجشەممە دا، ئەوەیش لەوەر بەرزەوبوین پلەی گەرمی.
تمیمی لە بەیاننامیگ رەسیە ئاژانس شەفەق نیوز وت: پەکخستن دەوام گشت فەرمانگەیل پارێزگاگە گرێدەو، وەگەرد وەردەوامی تاقیکردنەوەی پەروەردە وەگورەی خشتەگە.
وەرجەیە، حکومەت پارێزگای واست بڕیار پەکخستن دەوام فەرمی ئەرا سوو پەنجشەممە لە گشت فەرمانگەیل لەوەر بەرزەوبوین پلەیل گەرمی دا.
لە رووژ دووشەممەی گوزەشتەو، شەپوولیگ گەرمی گشت ناوچە و شارەیل عراق گردیەسەو، ک تا سەرەتای هەفتەی ئایندە وەردەوام بوود.
حکومەت پارێزگای بەسرەیش، بڕیار پەکخستن دەوام لە رووژ پەنجشەممە تا رووژ دووشەممەی ئایندە دا.
