دویای بەرزەوبوین خەرج دۆلار.. شۆرجە چووڵە و نرخەگان بەرزن
شەفەق نیوز/ بازاڕەیل شۆرجە لە بەغداد پایتەخت، ئمڕوو یەکشەممە، کەمەوبوین گەورایگ لە کڕیارەیل وەخوەیان دین، ئەویش لەدویای بەرزەوبوین نرخ دۆلار وە بڕیاریگ لە وەزارت دارایی.
چەودێرەگان بەرزەوبوین نرخ خواردەمەنیەگان لە بازاڕ شۆرجە رەوانگە کردن، ئەو بازاڕە ک جوور ناوەندیگە ئەرا ئابووری عراق و سپۆنسەر سەرەکیە لە لە کۆفرووشن ئەرا ئەو بازاڕەیل عراق لە باکوور تا باشوور.
شۆرجە جوولەی کەمیگ لەلایەن هاووڵاتییەگان وەخوەی دی، ک چەودیرەگان وە ٣٩٪ مەزەنەی کردن.
یەکیگ لە خاوەن دوکانەگان لە شۆرجە ئەرا ئاژانس شەفەق نیوز وت: دویای بەرزەوبوین نرخ دۆلار و داوەزانن ئەرزش پویل عراقی جوولەی کڕیارەگان تا ڕاست گەورایگ کەمەو بوی، و ئاماژە کرد ک تا چەن رووژیگ ئی رەوشە مینێدەی و شایەت تا چەن مانگیگ تا جوولەکە باێدەو.
هەمیش هاووڵاتییەیلیگ ئەرا ئاژانس شەفەق نیوز جەختکردن لە گرنگی هاتنەوەی ناڕەزایەتیەگان وە جەختەیلیگ زیاتر و لەناوچەیلیگ زیاتر و گیرهاوردن سەرڵیل گەندەڵی ک بوینە هووکار ئی رماننە و وەرجە گشتیان حزبە دەسەڵاتدارەگان و ئەوانەگ زاڵن وەبان بانک ناوەندی وبانکە تایبەتەگان.
