داوەزین گەورەیگ... هەرێم کوردستان 79 تۊشهاتن و یەک مردن وە کۆرۆنا
2022-03-18T14:20:01+00:00
شەفەق نیوز/ تاقیگەیل پزیشکی لەماوەی 24 ساعات لە هەرێم کوردستان داوەزین گەورەیگ لە ئامار تۊشهاتنەیل وە ڤایرۆس کۆرۆنا توومار کردن، ئامار تۊشهاتنەیل نوو رەسیە 79 و وەگەردیا بڕ شمارەگە ئەرا 435623 بەرزەو بۊ.
وەزارەت تەندروسی لە هەرێم لە بەیاننامیگ ئامار پەتاگە وت، 294 بیمار وە تەواوی خاسەوبۊنە جەم پسای خاسەوبۊیەیل گشتی رەسیە 425915.
لەماوەی 24 ساعات گوزەشتە یەک تۊشبۊ وە پەتاگە مردیە شمارەی گشتی پسایەیل مردن لەماوەی بڵاوبۊن پەتاگە لە هەرێم تا ئیسە رەسیە 7417.
