داوەزین نرخ تەڵا لە بازاڕەیل بەغداد و جیگیربوینی لە هەولێر
2022-10-29T08:40:42+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیل بەغداد پایتەخت، ئمڕوو شەممە ٢٩ی تەشرین یەکەم٢٠٢٢، داوەزی، و لە هەولێر پایتەخت هەرێم کوردستان جیگیر بوی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٣٤ دینار، و نرخ سەنینی رەسیە ٣٣٠ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ تەڵای عراقی داوەزین توومار کرد لەپای ٣٠٤ هەزار دینار، و نرخ سەنینی رەسیە ٣٠٠ هەزار دینار.
لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار ٢١ ها ناونی ٣٣٥ هەزار دینار و ٣٤٥ هەزار دینار، و نرخ فرووشتن یەک مسقاڵ تەڵای عراقی ها ناونی ٣٠٥ هەزار دینار و ٣١٥ هەزار دینار.
نرخ تەڵا لە هەولێر پایتەخت هەرێم کوردستان، جیگیربوین وەخوەی دی، ک نرخ فرووشتن یەک مسقاڵ تەڵای ٢٤ رەسیە ٣٩٠ هەزار دینار، و عەیار ٢١ رەسیە ٣٥٠ هەزار دینار، و نرخ یەک مسقاڵ عەیار ١٨ رەسیە ٢٩٥ هەزار دینار.
