جیگیربوین نرخ تەڵا لە بازاڕەیل بەغداد و هەولێر
شەفەق نیوز/ نرخ تەڵای بیگانە و عراقی لە بازاڕە ناوخۆیەیل بەغداد پایتەخت، و بازاڕەیل هەولێر پایتەخت هەرێم کوردستان، ئمڕوو سێشەممە ٨ تەشرین دویەم ٢٠٢٢، جیگیر بوی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٤٠ هەزار دینار و نرخ سەنینی رەسیە ٣٣٦ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ تەڵای عراقی هەمیش جیگیر بوی لەپای ٣١٠ هەزار دینار، و نرخ سەنینی رەسیە ٣٠٧ هەزار دینار.
لەباوەت نرخ تەڵا لە دوکان زەڕنگەریل، نرخ فرووشتن یەک مسقاڵ تەڵای خەلیجی عەیار ٢١ ها ناونی ٣٤٠ هەزار دینار و ٣٥٠ هەزار دینار، و نرخ فرووشتن یەک مسقاڵ تەڵای عراقی ها ناونی ٣١٠ هەزار دینار و ٣٢٠ هەزار دینار.
لە هەولێر پایتەخت هەرێم کوردستان، نرخ تەڵا هەمیش جیگیر بوی، ک نرخ فرووشتن یەک مسقاڵ عەیار ٢٤ رەسیە ٤٠٠ هەزار دینار، و نرخ عەیار ٢١ رەسیە ٣٥٥ هەزار دینار، و مسقاڵیگ عەیار ١٨ وە ٣٠٥ هەزار دینار فرووشیا.
