داوەزین کەمیگ لە نرخ تەڵا لە بازاڕەیل عراق

داوەزین کەمیگ لە نرخ تەڵا لە بازاڕەیل عراق
2022-01-22T09:09:27+00:00

شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغداد، ئمڕوو شەممە ٢٢ کانوون دۊیەم وەشیوەی کەمیگ داوەزیا.   

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوروپایی لە بازاڕەیل بڕ فرووشتن لە جادەی نەهەر بەغدای پایتەخت رەسیە ٣٧٧ هەزار دینار، و نرخ سەنینی رەسیە ٣٧٣ هەزار دینار.   

رووژ پەنجشەممەی گوزەشتە، نرخ تەڵا رەسیە ٣٧٨ هەزار دینار.       

پەیامنێرمان وتیش: نرخ فرووشتن یەک مسقاڵ عەیار ٢١ لە تەڵای عراقی هەمیش داوەزین وەخوەی دی لەپای ٣٤٧ هەزار دینار،  و نرخ سەنینی رەسیە ٣٤٣ هەزار دینار.    

لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٨٠ هەزار دینار و ٣٨٥ هەزار دینار،  و نرخ فرووشتن یەک مسقاڵ تەڵای عراقی هالە ناونی ٣٥٠ هەزار دینار و ٣٥٥ هەزار دینار.    

Shafaq Live
Shafaq Live