چەکدارەیلیگ وە چەقو وەشکیەنە چالاکاوانیگ لەناوڕاس بەغداد
2020-12-11T14:59:45+00:00
شەفەق نیوز/ چەکدارەیلیگ نەناسریاگ، ئمڕوو جمعە، وەچەقو وەشکیانە چالاکوانیگ لە ناڕەزایەتییە جەماوەریەگان لە ناوڕاس بەغداد، وزەخمداری کردن، وەگورەی قسەی چالاکاوانیگ تر.
چالاکوانەگە ئەرا ئاژانس شەفەق نیوز وت: محمد یاسری ک چالاکوانە لەناو ناڕەزایەتیەگان، لە جادەی سەعدون لە ناوڕاس بەغداد کەفتە وەر چەقو وەشانن و زەخمداربوی.
و دیاریکرد ک یاسری دویای نیمەڕو ئمڕوو، سەردان بڕیگ لە خۆپیشاندەرەگان لە میدان تەحریر کرد، ولە وەخت هاتنەوەی بڕیگ چەکدار چەقو هەڵگر کەفتنە شوینی و ریەگە لەلی تەنگەو کردن.
وتیش؛ یاسری چەن چەقویگ لەلی دریا، و بریا وەرەو شار پزشکی.
