دەمەڵیگ ناوبەین دوو برا بویە هووکار کوشتاریگ لە باکوور بەغدا

شەفەق نیوز/ سەرچەوەیگ ئەمنی لە بەغدا، ئمڕوو دووشەممە، خەوەردا لە کوشیان داڵگیگ و دوو لە کوڕەیلی وە هووکار دەمەقاڵیگ ک رەسیەس وە وەکارهاوردن چەک، لە باکوور پایتەخت.

 سەرچەوەگە وە ئاژانس شەفەق نیوز وت، " دوو برا بویەسە دەمەقاڵیان  لە ناو ماڵ خوەیان لە گەرەک"ئەسکلات" لە قەزای حوسەینیە باکوور بەغدا، رەسیەسە مەرافیگ ک یەکیگیان بومبیگ دەسی وشانییە و بویە هووکار کوشتن خوەی و داڵگ و براگەی".

دیاریکرد"هیزەیل ئەمنی رەسینە شوین رویداوەگە و تەرمەیل ئەرا پزیشک دادوەری کلکردنە ئەرا تەواوکردن ریکارەیل یاسایی، لێکۆڵینەوە لە رویداوەگە وازکریایە".