دەسگیرکردن وەرپرس هەواڵگری داعش و یاوەرەگەی لە بەغداد
شەفەق نیوز/ ئاژانس هەواڵگری لە وەزارەت ناوخۆ، ئمڕوو یەکشەممە، راگەیان دەسگیرکردن وەرپرس دەزگای هەواڵگری لە وەلایەت فەلووجە لە داعش وگەرد یاوەرەگەی لە پارێزگای بەغداد.
ئاژانسەگە لە بەیاننامەیگ ئمڕوو وت: مەفرەزەیلی لە وەڕیۆبەرایەتی هەواڵگری بەغداد لە وەزارەت ناوخۆ، دەسگیر یەکیگ لە سەرکردەیل داعش کردن ک وەرپرس دەزگای هەواڵگریە لە وەلایەت فەلووجە لە ریخریاگ داعش، وەنازناو ''ئەبو سالم مەولا''، و هەمیش براگەی ک یاوەریی دەێد، وە ئۆپراسیۆنیگ هەواڵگری هاوبەش لەناوبەین وەڕێۆبەرایەتی هەواڵگری بەغداد و هەواڵگری پۆلیس فیدڕاڵی.
بەیاننامەگە وتیش، دەسگیرکردنەگە لەدویای چەودیریکردنیان هات لە قەزای فەلووجە تا پارێزگای بەغداد، وەتایبەت لە ناوچەی دۆڕە، و لەناو لێکۆڵینەوە سەرەکیەگان ئاشکاری لایەنگری خوەیان کردن ئەرا ریخریایەگە، و بەشدارییان لە چەن چالاکی چەکدارییگ دژوە هێزە ئەمنیەگان و هاووڵاتیەیل.
