دەسگیرکردن یەکیگ لە ژنەیل داعش لە نەینەوا
2021-06-02T12:45:56+00:00
شەفەق نیوز/ وەڕێۆبەرایەتی هەواڵگری سەربازی، ئمڕوو چوارشەممە، راگەیان دەسگیرکردن یەکیگ لە ژنەیل سەروە ریخریاگ داعش لە نەینەوا.
وەڕێۆبەرایەتیەگە بەیاننامەیگ رەسیە ئاژانس شەفەق نیوز وت: وە ئۆپراسیۆنیگ ناکاوی لە بنەمای زانیاریەیلیگ هەواڵگری ووردیگ، مەفرەزیل هەواڵگری فەوج یەکەم لە لیوای پیادەی ٧٥ لە فیرقەی پیادەی شانزەهەم، توێنست ژنە توومەتباریگ لە خەڵک ناحیەی زونار لەناو یەکیگ لە هەیکەیلە چووڵەیل لە دەورگرد ئاوای عربید سەروە ناحیەی حەمام عەلیل دەسگیر بکەێد.
و دیاری کرد ک دویای مینەکردن و وەشکین لە راسیەیل، بەڵگەیلیگ تاوانی لەلای ئاشکرا کریا لەلیان میمۆرییگ ئەلیکتڕۆنی و بڕ فرەیگ لە پەرتووک لەناویان ژمارەیل تەلەفۆن و قسەیل نهێنی بوی ک ریخریاگ داعش لەوەخت رەدبوین لە کەرتە سەربازیەیل وەکاریان هاوردیاد.
