دەسگیرکردن ئەفسەریگ هاتووچو بویە هووکار رووداویگ لە نەجەف

 دەسگیرکردن ئەفسەریگ هاتووچو بویە هووکار رووداویگ لە نەجەف
2021-05-26T15:10:34+00:00

شەفەق نیوز/ سەرچەوەیگ ئەمنی لە نەجەف، ئمڕوو چوارشەمە، خەوەردا لە دەسگیرکردن ئەفسەریگ هاتووچو سەرخوەش، بویە هووکار رووادویگ هاتووچو لەناوڕاس پارێزگاگە.

سەرچەوەگە ئەرا ئاژانس شەفەق نیوز وت: هێزیگ ئەمنی ئەفسەریگ لە وەڕێۆبەرایەتی هاتووچو نەجەف و پلەی رائید خوەی و کوڕەگەی دەسگیر کرد، لەوەر رانین ماشینەگەی وە سەرخوەشی، و بویەسە هووکار رووداویگ لەناوبەین دوو ماشین، وتیش؛ کوڕ ئەفسەرگەیش لەو مەوقە لەناو ماشینەگە بویە.

سەرچەوەگە دیاری کرد ک هێزە ئەمنیەگە ماشین ئەفسەرەگە وەشکێ و ٥ سەندووق مەی لەناوی پەیا کرد.

وتیش؛ ئەفسەرەگە خوازێد تاوانەگە بخەێدە بان کوڕەگەی، وەلێ کوڕەگە باس وەچەودی خوەی لەنوای دەزگا ئەمنیەیلە کرد.

Shafaq Live
Shafaq Live