دەسگیرکردن دوو کەس لەبەغداد مناڵیگ رفاننە وخراوەکاریی کردنە
2021-01-04T09:23:43+00:00
شەفەق نیوز/ هێزیگ ئەمنی، ئمڕوو دووشەممە، مناڵیگ دەس بەسیاگ و زەخمدار لە بەغداد پایتەخت دیەو.
وەزارەت ناوخۆ لە بەیاننامەیگ رەسیە ئاژانس شەفەق نیوز وت: لە وەخت گەردین چەودیریکردن کرەت وەرپرسایەتی، مناڵیگ لە ناوچەی حەی ئەمین دینەو دەسەیلی بەسیانە و زەخمداری سەختیگ لە گشت لەشی بویە.
بەیاننامەگە وتیش؛ دویای پرسیارکردن لەلی، دەرکەفت ک کەسیگ رفانیەسەی و خراوەکاریی کردگە، و شکەنجەی وەچەقو داگە.
بەیاننامەگە ئاماژەدا لە دروسکردن تیمیگ تایبەت لە مەفرەزەیل ئاژانس هەواڵگری لە وەڕێۆبەرایەتی هەواڵگری پۆلیس فیدڕاڵی لە وەزارت ناوخۆ، و دویای خەسەوکردن تەقەلایل هەواڵگری و شیەوکردن زانیاریەگان، دوو توومەتبار لەو ناوچە دەسگیر کریان، و ئاشکرای تاوان ناشرین خوەیان کردن.
وتیش؛ قسەیلیان واژوو کریا و دریانە دەس ناوەند پۆلیس.
