دەسگیرکردن توومەتبارەیلیگ وە تیرۆر و پۆلیس بەغداد داواکریایەیلیگ گرێد
شەفەق نیوز/ راگەیانن ئۆپراسیۆنەیل بەغداد، ئمڕوو دووشەممە، راگەیان دەسگیرکردن توومەتبارەیلیگ وە تیرۆر، و دەسوەسەرکردن توومەتبارەیلیگ وە تەزویر و دزی.
راگەیانن فەرماندەی ئۆپراسیۆنەیل بەغداد لە بەیاننامەیگ رەسیە ئاژانس شەفەق نیوز وت: فیرقەی پیادەی شەشەم، ئۆپراسیۆنەیلیگ ناکاوی ئەرا مقەیەتیکردن کەرت وەرپرسایەتیەگە جیوەجی کرد، وەگەرد مینەکردن و وەشکین لەناوچەیل باکوور و خوەرئاوای بەغداد، بویە هووکار دەسگیرکردن ژمارەیگ لە توومەتبارەیل وەگورەی جووراجور مادەیلیگ یاسایی، لەلیان توومەتباریگ وە تەزویر، و دەسنریا بان عەتاد، لە خوەرئاوای بەغداد.
بەیاننامەگە وتیش: هێزیگ لە لیوای ٢٧ لە ئۆپراسیۆنەیل مینەکردن و وەشکین، توێنست ژمارەیگ لە توومەتبارەیل وەگورەی جووراجور مادەیلیگ یاسایی دەسگیر بکەێد، لەناویان توومەتباریگ وە دزیکردن.
و ئاماژە کرد ک فیرقەی پیادەی یانزە وەردەوامە لە مقەیەتیکردن ناوەندە هەڵبژاردنیەکان، و جیوەجیکردن ئەرکەیل مینەکردن و وەشکین لە ناو کەرت وەرپرسایەتی، بویە هووکار دەسگیرکردن ژمارەیگ لە توومەتبارەیل وەگورەی جووراجور مادەیلیگ یاسایی، و دەسناین لەبان چەکەیل بی مووڵەت.
وتیش: فیرقەی یەکەم پۆلیس فیدڕالی، توێنست دوو توومەتبار وەگورەی مادەی ٤ تیرۆر دەسگیر بکەێد، و هەمیش ژمارەیگ لە توومەتبارەیل وەگورەی جووراجور مادەیلیگ یاسایی، لەلیان توومەتبارەیلیگ وە (دەگەی) هووزانە، و دوو توومەتبار وە دزیکردن، و یەک توومەتبار وە پرۆپاگەندە ئەرا هووشبەرەکان، و دوو توومەتبار وە تەقەکردن، لەناو کەرت وەرپرسایەتی فیرقەگە.
لەوەختیگ هێزە ئەمنیەکان لە فیرقەی دوویەم پۆلیس فیدڕاڵی، داشت ئەرکەیل مینەکردن و وەشکین لە کەرت وەرپرسایەتیەگە جیوەجی کرد، توێنست ژمارەیگ لە توومەتبارەیل وەگورەی جووراجور مادەیلیگ یاسایی دەسگیر بکەێد، وەگەرد مقەیەتیکردن ناوەندەیل هەڵبژاردنەکان، و هەمیش دەسنریا بان ژمارەیگ لە ماشینەیل بی بەڵگە، لە لایەییل کەرخ و رەسافە.
لە خود باوەتە ئەمنیەگە، وەڕێۆبەرایەتی پۆلیس بەغداد رەسافە راگەیان جیوەجیکردن ١٧ فەرمان دەسوەسەرکردن وەگورەی جووراجور مادەیلیگ یاسایی.
وەڕێۆبەرایەتی پۆلیس بەغداد لە بەیاننامەیگ رەسیە ئاژانس شەفەق نیوز وت: یەک توومەتبار وە کوشتن دەسگیر کریا، و هەمیش دەسگیرکردن ژمارەیگ لە پێشێلکارەیل، و هەمیش مەفرەزیل وەڕێۆبەرایەتی پۆلیس بەغداد ٥ فەرمان دەسگیرکردن وەگورەی جووراجور مادەیلیگ یاسایی جیوەجی کردن.
وەڕێۆبەرایەتیەگە خەوەردا ک مەفرەزیل وەڕێۆبەرایەتی باوەتەیل خاڵەکان، ٩ پێشێلکار دەسگیر کردن، و دەس نانە بان ماشینەیلیان، وەگەرد ماشینیگ بار چشتەیلیگ کردگە ک هاوردەیان قەیەغەس.
